بداية مشوار ريال مدريد في الليغا 2025–26
افتتح ريال مدريد مشواره في الدوري الإسباني لموسم 2025–26 بفوز صعب على أوساسونا بنتيجة 1-0 في ملعب سانتياغو بيرنابيو، سجّله كيليان مبابي من ركلة جزاء. اللقاء كان الأول للفريق تحت قيادة المدرب الجديد تشابي ألونسو، الذي أشاد بأداء الوافدين الجدد وقدرتهم على التعامل مع ضغط بداية الدوري، بينما أضافت مشاركة الشباب مثل ماستانتونو لمسة مستقبلية واعدة لبداية الموسم.
انطلاقة حقبة تشابي ألونسو
نقدر نقول إن حقبة تشابي ألونسو بدأت في ريال مدريد مع بداية الدوري الاسباني، الفريق دلوقتي في مرحلة طور البناء على المستوى التكتيكي ويمكن ريال مدريد بيتجه لنظام لعب عكس هوية الفريق، نظام معقد أكثر بأدوار أكثر وأسلوب لعب يبدو حتى الآن إنه بيعتمد على تدوير الكرة بشكل أكبر من السابق ولعب تمركزي أكثر مع ضغط عكسي أسرع ودفاع وقائي مُحسن وتنظيم دفاعي وتقليل المساحات بين الخطوط ولكن الفريق لسه بيواجه مشاكل في تطبيق الأسلوب دا لأن لسه الفريق في بداية الطريق والتأقلم بيحتاج وقت وبيحتاج لاعيبة مناسبة للنظام ودا اللي هنشوف تشابي مستقبلاً هتكون إيه حلوله لتحسين الفريق
التكتيك الجديد وأسلوب اللعب
من مباراة تيرول الودية ويبدو إن تشابي الونسو بيطبق شكل جديد بأدوار مختلفة عن كأس العالم للأندية، وفي محاوله منه لإخفاء عيوب خط الوسط، قرر تشابي إن أول مرحلتين لعب هتكون مسؤولية قلوب الدفاع مع تثبيت أرنولد في موقع متأخر عن كاريراس، الفكرة من تثبيت أرنولد هو إنه يفيد الفريق مع الحيازة وإنه يعطي حرية لكاريراس بالتقدم للأمام ويبقا صنع توازن هجومي ودفاعي
تشواميني بيتقدم كحائط تمرير قدام الدفاع، فالفيردي واردا غولر في ممرات اللعب، عرض الملعب مفتوح من خلال الأجنحة ومبابي متمركز كمهاجم.
دا بيكون شكل ريال مدريد أغلب الوقت، بعد نجاح قلوب الدفاع في أول مرحلتين، بيبدأ يكون دا شكل الفريق، والأهم هو شكل خماسي الهجوم في شغل الخمس ممرات، طبعا دا بيوفر للأجنحه مواجهةت فردية على الأطراف لاستغلال الجودة الفرديه، وبيوفر خيارات تمرير بين الخطوط لحامل الكرة، وكمان هو بيوفر حماية دفاعية في حالة فقدان الكرة وهو الضغط العكسي السريع أو وجود عدد مناسب للدفاع الوقائي.
فكرة ريال مدريد كانت دائماً هي إن الملعب يميل ناحية اليمين من أجل تفريغ مساحة ووقت ومواجهة فردية لـ فينيسيوس وكاريراس، ريال مدريد بالفعل نجح إنه يحرك أوساسونا لليمين ولكن كانت المشكلة بعد تجميع اللعب في اليمين هي كيفية نقل اللعب للجهة الأخرى.
مشكلة ريال مدريد في نقل اللعب
ليه بنقول إن ريال مدريد كان عنده مشكلة في نقل اللعب؟ لأن دي كلها حالات بتشرح المشكلة، فينيسيوس وكاريراس في الجهة المعاكسة عندهم مساحة ووقت كافي في حال استلام الكرة، لكن ريال مدريد كان بطيء في تدوير الكرة وكان بيتم تدوير الكرة أكثر من اللازم، تشابي قال بعد المباراة إن الفريق كان بطيء وإن كان فيه مشكلة في آخر تلت وكمان قال إن الفريق لسه متأقلمش على مواجهة فريق بيلعب بكتلة منخفضة، علشان كدا ريال مدريد مقدرش يستغل توفير المساحة في الجهة الشمال، والفريق افتقد لمهاجم ولاعب يقدر يلعب بين الخطوط زي رودريغو.
كاريراس بيشاور لأرنولد من أجل التمرير لـ فينيسيوس في المساحة لكن الفريق بيستمر في تدوير اللعب بدون فائدة.
حالة أخرى فينيسيوس عنده مساحة على الخط ووقت كافي في حال استلام الكرة لكن المرادي هاوسن أخطأ في التمرير.
حالة أخرى
أدوار كاريراس وأهمية الأظهرة
من الحاجات اللي مكانتش متوفره في ريال بعد مارسيلو، وجود ظهير عنده قدره على اراحة الجناح والمشاركه أكثر والتفاعل مع اللعب في آخر تلت، كاريراس هيقدر يوفر اريحيه للجناح ويقدر يسحب ضغط من على الجناح لأنه لاعب ذكي وفاهم امتى يتحرك للاندر لاب في العمق وامتى للاوفر لاب من على الطرف، فينيسيوس كان بيعاني السنين اللي فاتت في عدم وجود ظهير معاه يوفرله الأمور دي، ودي مميزات هيقدر يقدمها كاريراس للفريق
دي حالة أخرى لكاريراس وازاي قدر يوفر نفسه في العمق ويكون فيه زيادة عدديه وكمان وجود عدة خيارات قدامه، في الحالة دي هو قرر التسديد يمكن دا مش الحل الأمثل لكن المبدأ العام نفسه ممتاز وهو إنه يتفاعل هجومياً مع الفريق
التنظيم الدفاعي والضغط العكسي
ريال مدريد دفاعياً كان منظم بشكل كويس، مساحات بين الخطوط قليلة، تعلميات بالضغط العكسي فور فقدان الكرة، الدفاع الوقائي مُحسن عن السابق وكمان بيتم تطبيقه بعدد مناسب من اللاعيبه، في الحالات دي أردا غولر بينفذ تعلميات تشابي بالضغط العكسي وبيقدر يسترجع الكرة، وتشابي كان اتكلم عن إن أردا لازم يتحسن دفاعياً ودا هيحصل لما يتفاعل أكبر دفاعياً وبالفعل دا حصل في مباراة أوساسونا وتشابي اشاد بالدور الدفاعي لأردا.
التزام اللاعبين بالأدوار الدفاعية
الأمر الجديد إن فينيسيوس بدون الكرة أصبح دوره أفضل وواضح إن فيه تعلميات بإنه لازم ينزل لتحت يساند دفاعياً ويضعط بشكل حاد أكبر، يمكن لسه في حالات فينيسيوس بيكون متكاسل لكن الأمر الإيجابي إنه بدون الكرة قدم مباراة مقبوله لحد كبير عن السابق، وحتى مبابي دفاعياً كان بيضغط على فترات ودا عكس الأول، تشابي عارف أهمية الضغط وإنه لتطبيق أسلوبه لازم يكون في ضغط حاد وضغط عكسي ودا مش هيحصل إلا لو فيه التزام من خط الضغط الأول.
تجربة الدفاع رجل لرجل
من مباراة تيرول والفريق دفاعياً بيقدم نظام رجل لـ رجل بشكل أكبر، أحياناً بتلاقي خط الدفاع خارج لبعد منتصف الملعب في المراقبة اللصيقه، زي الحالات دي مع تمركز هاوسن وارنولد، الفريق لحد الآن بيطبق دا بشكل كويس وبيقدر يسترجع الكرة بسرعه ولكن متقدرش تختبر قوة الفريق في النظام دا إلا قدام مستوى أعلى علشان تقدر تحكم بشكل أفضل إذا كان النظام مناسب للفريق أو لا، ولكن هو نظام فيه مجازفه لحين تعود اللاعيبه عليه وفهمهم لمرجعيات النظام بشكل أكبر، وطبعا أفضل خيارات لقلوب الدفاع في ريال مدريد هم هاوسن وميليتاو.
أبرز الإيجابيات والتحديات أمام الفريق
ريال مدريد في مباراة الأمس قدم شكل منظم للفريق، ضغط مقبول، الفريق كان بيلعب ككتلة واحدة، دفاع وقائي جيد، ولكن مشاكل الفريق وقت الحيازة كانت في تدوير الكرة أكثر من اللازم، تمركزات غلط لـ أردا غولر وفالفيردي، لأن فالفيردي مش لاعب يقدر يلعب بين الخطوط، واردا متمركز عكس عدلته، تشواميني بيتم استخدامه كحائط تمرير ودا نقوص واضح في الفريق، ريال مدريد محتاج لاعب منظم للعب يدير الملعب مكان تشواميني، ولاعبيه مناسبه للعب بين الخطوط، وكمان مهاجم لأن تركيبة الهجوم مناسبة لمباريات فيها مساحات مش مباريات الكتل المنخفضة.
